Arane Anak Wong/Menungso

Kawruh Basa Jawa

sakmenika aran utowo celukan anak menawi diruntut saking keturunan utawi jumlahe.

( Berikut sebutan atau panggilan anak jika diruntut dari jumlah keturunannya )

ontang-anting                     : anak 1 - lanang

unting-unting                     : anak 1 - wadon

uger-uger lawang               : anak 2 - lanang kabeh 

kembang sepasang             : anak 2 - wadon kabeh

cukit dulit                           : anak 3 - lanang kabeh

gotong mayit                      : anak 3 - wadon kabeh

saramba                              : anak 4 - lanang kabeh

sarimpi                               : anak 4 - wadon kabeh

pandhawa                           : anak 5 - lanang kabeh

pancagati                            : anak 5 - wadon kabeh

kedhana-kedhini                 : anak 2 - lanang ; wadon

kedhini-kedhana                 : anak 2 - wadon ; lanang

pancuran kaapit sendhang  : anak 3 - wadon ; lanang ; wadon

sendhang kaapit pancuran  : anak 3 - lanang ; wadon ; lanang

keblat papat                        : anak 4 - lanang - wadon

sepasar                                : anak 5 - lanang - wadon

Tembang Dolanan Jawa

Sakmenika tembang dolanan kagem anak

ILIR-ILIR

Lir-ilir lir-ilir

Tandure wis sumilir

Tak ijo royo-royo 

ak sengguh penganten anyar

Cah angon cah angon

penekno blimbing kuwi

Lunyu-lunyu penekno

kanggo mbasuh dodot iro

Tembang Macapat Gambuh

Gambuh

Sekar gambuh ping catur

Kang cinatur polah kang kalantur

Tanpa tutur katula-tula katali

Kadulu warsa kapatuh

Katutuh pan dadi awon

Aja nganti kebanjur

Sabarang polah kang nora jujur

Yen kebanjur, sayekti kojur tan becik

Becik ngupaya iku

Ing pitutur kang sayektos

Pitutur bener iku

Sayektine apantes ditiru

Nadyan metu saking wong sudra papeki

Lamun becik nggone muruk

Iku pantes sira anggo

Tembang Macapat Dandhang Gula

Dandhang Gula

Wardining kang sasmita jinarwi

Wruhing kukum ing kanisthane

Adoh marang kanisthane

Pamicara puniku

Weh reseping sagung miyarsi

Tata krama puniku

Ngedohaken panyendhu

Kagunan iku kinarya

Ngupa boga, dene kelakuan becik

Weh rahayuning angga

Tembang Macapat Sinom

Sinom

Sun iki dhutaning nata

Prabu kenya Majapahit

Kekasih Damar Sasangka

Atma mantune ki patih

Magang anyar awak mami

Tahta bisma praptaningsun

Ingutus Sang Narpendah

Kinen mocok murdantaji

Mar maningsun ingutus ywa mindho karya

Tembang jawa macapat Kinanthi

sakmenika tembang macapat kinanthi, monggo sareng-sareng kita simak

Kinanthi

Anoman malumpat sampun

prapteng witing nagasari

mulat mangandap katingal

wanodya yu kuru aking

gelung rusak wor lan kisma

kang iga-iga kaeksi

Wruhanta yen sira kulup

Arsaha mungkasi kardi

Mubarang ingkang sinedya

Tebusen laku utami

Wit iku sanguning gesang

Pitukon wajib ing urip

Marmane den taberi kulup

Angulah lantiping ati

Rina wengi den anedya

Pandak panduking pambudi

Bengkas kahardaning driya

Supaya dadya utami

Lirik lagu / tembang jawa : Dongengan

Sebuah lagu jawa legendaris karya sang mastro keroncong Alm.Gesang. lagu yang sudah sangat lama, dan mungkin tidak banyak orang yang tahu akan keberadaan lagu ini.

berikut liriknya, semoga berkenan

DONGENGAN
oleh gesang

Sinten purun kula dongengi
Dongenge sedulur ndesa
Sugih sawah lan sugih pari
Ayeman ati ora murka
Ageng labuhe dateng negari
Rupa arta lan rupa banda
Jaman gerilya ing uni
Tiyang kitha ngungsi teng ndesa

Lirik Tembang / lagu jawa KIDUNG DANDANG GULA

Lagu jawa / geguritan / tembang jawa, khususnya jawa kawi sarat makna, salah satunya adalah kidung Dandhang gula, yang menceritakan kedekatan seorang hamba dengan Tuhan Sang Maha Pencipta

KIDHUNG DANDANG GULA

Kanthi nyebut ing asmaning Gusti
Gusti Allah ingkang Maha Mirah
Maha Asih sejatine
Puja lan pujiKu
Among Allah ingkang ndarbeni
Gustining jagat raya
Ya alam sawegung
Maha welas asih cetha
Kang ngratoni dinaning agama yekti
kukuding alam donya

Amung dhumateng Paduka Gusti Hamba nyembah saha kumawula
Angrerepa dhepe-dhepe
Hamba Nyuwun pitulung
Timedehna margi kang yekti
Margining tiyang katha
Ingkang begja tuhu
Paduka paringi nikmat
sanes margi bebendu lan sasar sami
Amin tutuping donga

Tembang Macapat Pucung / Pocung

lagu pucung / pocung berisi tebak-tebakan ( cangkriman ). berikut beberapa contoh lagu pucung beserta jawabannya

---------------------------

Bapak pucung

amun sirah lawan gembung

padha dikunjara

mati sajroning ngaurip

mijil baka

si pucung dadi dahan

( pentol korek )